దర్శక ధీరుడు రాజమౌళి రెండు ఏళ్ళగా ఎంతో కష్టపడి తెరకెక్కించిన చిత్రం బాహుబలి. రెండు భాగాలుగా వస్తున్న ఈ చిత్రంలోని మొదటి భాగం జూలై10న విడుదలవుతుంది. అంతకన్నా ముందు ఈ చిత్ర ఫస్ట్ లుక్ ట్రైలర్ ఈ ఉదయం 10:30కు ఆంధ్ర ప్రదేశ్, తెలంగాణాల్లోని 300కి పైగా థియేటర్లలో బాహుబలి ట్రైలర్‌ను విడుదల చేశారు. ఈ ట్రైలర్ చుసిన అబిమానుల సంతోషానికి అవధులు లేకుండా పోయాయి. ఈ ట్రైలర్ మొదటిగా థియేటర్స్ లో రిలీజ్ అవుతుందని తెలుసుకున్న అబిమానులు మార్నింగ్ నుండే థియేటర్స్ దగ్గర లైన్లు కట్టారు విజువల్ వండర్‌గా తెరకెక్కిన బాహుబలి ట్రైలర్‌ను చూసినవారంతా అద్భుతమైన రెస్పాన్స్ కనుపరుస్తున్నారు. ప్రభాస్, రానాల స్టన్నింగ్ లుక్స్, రాజమౌళి మార్క్ టేకింగ్, ఎమ్.ఎమ్.కీరవాణి స్టన్నింగ్ మ్యూజిక్, అద్భుతమైన విజువల్స్‌తో బాహుబలి ట్రైలర్ సూపర్బ్ అనిపించుకుంది. ఇక "నన్నెప్పుడూ చూడని కళ్ళు దేవుడిలా చూస్తున్నాయి.. నేనేవర్ణి?" అంటూ ప్రభాస్ చెప్పే డైలాగ్‌కు అబిమానుల ఈలలతో ధియేటర్ లలో మారుమోగిపోయాయి. రెండు నిమిషాల ట్రైలరే ఈ స్థాయి అనుభూతి కలిగిస్తే, ఇక పూర్తి సినిమా ఇంకెంత అద్భుతమైన అనుభూతి కలిగిస్తుందోనని అభిమానులు సంబరాల్లో మునిగిపోయారు.