యూఏఈ: యూఏఈ ఫౌండింగ్ ఫాదర్ షేక్ జాయెద్ బిన్ సుల్తాన్ అల్ నహ్యాన్ వర్ధంతి నేపథ్యంలో పవిత్ర రమదాన్ మాసం 19వ రోజున జాయెద్ హ్యుమానిటేరియన్ డే (మే 1) నిర్వహించారు. యూఏఈ అభివృద్ధి కోసం జాయెద్ చేసిన మంచి మంచి కార్యక్రమాల్ని ఈ సందర్భంగా యూఏఈ ప్రజలంతా గుర్తు చేసుకుంటున్నారు. గత ఏడాదిలానే ఈ ఏడాది కూడా కరోనా తీవ్రత కొనసాగుతున్న నేపథ్యంలో జాయెద్ గొప్ప ఆలోచనలు, మానవీయ కోణం, చాలామందికి స్ఫూర్తిగా నిలుస్తోంది. 130కి పైగా దేశాలకు 2,000 టన్నుల మెడికల్ ఎయిడ్ మానవీయ కోణంలో పంపించడం జరిగింది. కాగా, యూఏఈ ప్రపంచంలోనే అత్యంత సమర్థవంతంగా కరోనా వైరస్ భూతాన్ని డీల్ చేయగలిగిందని రూలర్ ప్రతినిథి - అల్ దఫ్రా రీజియన్ అలాగే ఎమిరేట్స్ రెడ్ క్రిసెంట్ ఛైర్మన్ షేక్ హమదాన్ బిన్ జాయెద్ అల్ నహ్యాన్ చెప్పారు.మినిస్టర్ ఆఫ్ కమ్యూనిటీ డెవలప్మెంట్ హెస్సా బంట్ ఇస్సా బహుమైద్ మాట్లాడుతూ, ప్రతి ఎమరేటి గుండెల్లో ఎప్పటికీ చిరస్థాయిగా జాయెద్ నిలిచి వుంటారని చెప్పారు.