దోహా: మే డే సంద‌ర్భంగా కార్మికుల‌కు శుభాకాంక్ష‌లు తెలియ‌జేశారు పుర‌పాల‌క‌, ప‌ర్యావ‌ర‌ణ శాఖ మంత్రి అబ్ధుల్లా బిన్ అబ్ధుల్లాజిజ్ బిన్ ట‌ర్కీ అల్‌. ఈ సంద‌ర్భంగా ఆయ‌న కార్మికుల సేవ‌ల‌ను కొనియాడారు. ఖ‌తార్ పురోభివృద్ధిలో త‌మ మంత్రిత్వ శాఖ‌లోని కార్మికుల కృషి అభినంద‌నీయ‌మ‌ని అన్నారు. మంత్రిత్వ శాఖ‌లోని వివిధ విభాగాలకు చెందిన కార్మికుల‌కు ధ‌న్య‌వాదాలు తెలియ‌జేశారు. కోవిడ్ స‌మ‌యంలో మున్సిపాలిటీ కార్మికులు అందించిన సేవ‌లు ఎప్ప‌టికీ మ‌ర్చిపోలేమ‌ని ప్ర‌శంసించారు. కోవిడ్ ను స‌మ‌ర్ధ‌వంతంగా అరిక‌ట్ట‌డంలో మ‌రింత అంకిత దీక్ష‌తో ప‌ని చేయాల‌ని పిలుపునిచ్చారు. ఊరెడూ అనే సంస్థ సౌజ‌న్యంతో మున్సిపాలిటీ, ప‌ర్యావ‌ర‌ణ శాఖ‌లోని ప‌లువురు ఉత్త‌మ కార్మికుల‌ను మంత్రి స‌త్క‌రించారు. 

--రాజ్ కుమార్ వనంబత్తిన(మాగల్ఫ్ ప్రతినిధి,ఖతార్)