కువైట్ సిటీ: కోవిడ్ ప్ర‌మాదం పొంచి ఉండ‌టంతో కొన్ని ప్రాంతాల్లో ర‌మ‌దాన్ ప్రార్థ‌న‌ల‌పై ఆంక్ష‌లు విధిస్తూ కువైట్ నిర్ణ‌యం తీసుకుంది. మొత్తం ఆరు ప్రాంతాల్లో రాత్రి వేళ‌ల్లో నిర్వ‌హించే ఖియమ్ ప్రార్థ‌న‌ల‌ను నిషేధిస్తున్నట్లు ఇస్లామిక్ మ‌త వ్య‌వ‌హారాల శాఖ మంత్రి ప్ర‌క‌ట‌న విడుద‌ల చేశారు. హవాలీ, మైదాన్ హవాలీ, జలీబ్ అల్ షుయౌఖ్, మహబౌలా, సల్మియా, అల్ నుగ్రా ప్రాంతాల్లోని మ‌సీదుల్లో రాత్రి వేళ ప్రార్థ‌న‌లకు అనుమ‌తి లేద‌ని వెల్ల‌డించింది.ఈ ఆరు ప్రాంతాల్లో ప్ర‌వాసీయులే ఎక్కువ‌గా ఉండ‌టం గ‌మ‌నార్హం. కోవిడ్ బారిన ప‌డుతున్న వారిలో ప్ర‌వాసీయులే ఎక్కువ‌గా ఉండ‌టంతో ఈ నిర్ణ‌యం తీసుకున్న‌ట్లు తెలుస్తోంది.