కువైట్ సిటీ: లేబర్ డిపార్టుమెంటు వద్ద గుడ్ స్టాండింగ్ లిస్టులో ఎంప్లాయర్స్ చేత రిజిస్టర్ కాబడిన వలస కార్మికులు, ఏడాది తర్వాత మరో ఎంప్లాయర్ వద్దకు బదిలీ అయ్యేందుకు పబ్లిక్ అథారిటీ ఫర్ మేన్ పవర్ అనుమతినిస్తోంది. పబ్లిక్ అథారిటీ ఫర్ మేన్ పవర్ అహ్మద్ అల్ మౌసా ఈ విషయాన్ని వెల్లడించారు. గతంలో ఇది మూడేళ్ళకు గానీ సాధ్యపడేది కాదు. అయితే, సంబంధిత నిబంధనల ప్రకారమే ఈ బదిలీ జరుగుతుంది ఇరువురు ఎంప్లాయర్స్ మధ్య. ఎంప్లాయర్స్ మధ్య కార్మికుల బదిలీ ప్రక్రియ సజావుగా, వేగవంతంగా అవసరమైన మేర జరిగేందుకు ఈ నిర్ణయం తీసుకున్నట్లు అహ్మద్ అల్ మౌసా చెప్పారు. ప్రస్తుత కరోనా పాండమిక్ పరిస్థితులో ఈ నిర్ణయం లేబర్ మార్కెటుకి ఊతమిస్తుందని ఆయన అన్నారు.