కువైట్ సిటీ: కువైట్ పబ్లిక్ అథారిటీ ఫర్ సివిల్ ఇన్ఫర్మేషన్ (పిఎసిఐ), మొబైల్ ఐడీ అప్లికేషన్ కోసం సరికొత్త అప్ డేట్ అందుబాటులోకి తెచ్చింది. మినిస్టర్ ఆఫ్ పబ్లిక్ వర్క్స్ మరియు మినిస్టర్ ఆఫ్ స్టేట్ ఫర్ కమ్యూనికేషన్ అండ్ ఇన్ఫర్మేషన్ టెక్నాలజీ, చైర్మన్ ఆఫ్ ది బోర్డ్ ఆఫ్ డైరెక్టర్స్ ఆఫ్ ది పబ్లిక్ అథారిటీ ఫర్ సివిల్ ఇన్ఫర్మేషన్ డాక్టర్ రానా అల్ ఫారిస్, డైరెక్టర్ జనరల్ ఆఫ్ ది అథారిటీ ముసాయీద్ అల్ అసౌసి సూచనల మేరకు ఈ అప్ డేట్ తీసుకొచ్చారు. ఆండ్రాయిడ్, ఐవోఎస్, హువాయి డివైజుల మీద ఈ యాప్ పనిచేస్తుంది. క్యాబినెట్ నిర్ణయం మేరకు ఈ మొబైల్ ఐడీ యాప్ ప్రారంభించారు. వినియోగదారుల సంఖ్య ఇప్పటికే 1,700,000కి చేరుకుంది.