ఖతార్: ఖతార్ ఫ్రీ జోన్స్ అథారిటీ (క్యు.ఎఫ్.జి.ఎ.), 39 కొత్త అగ్రిమెంట్లను సైన్ చేసింది. 2020లో కరోనా పాండమిక్ సమయంలోనూ ఫ్రీజోన్స్ లో కంపెనీల సంఖ్య 130కి చేరిందని సంబంధిత వర్గాలు వెల్లడించాయి.ఇబ్బందికర పరిస్థితుల్లోనూ ఈ విభాగంలో మంచి ఫలితాల సాధించినట్లు అథారిటీస్ పేర్కొనడం జరిగింది. గూగుల్, డిహెచ్ఎల్, వోక్స్ వ్యాగన్ వంటి కంపెనీలను ఈ విభాగంలో ఆకర్షించగలిగినట్లు తెలిపారు అధికారులు. 2,500 చదరపు మీటర్ల వైశాల్యంలో ఏర్పాటు చేసిన ప్రొడక్షన్ ఫెసిలిటీ ఐలైఫ్ డిజిటల్, ప్రైమ్ టెక్నాలజీస్ సాయంతో రూపొందించారు. క్యు.ఎప్.జెడ్.ఎ, డెడికేటెడ్ ఇన్వెస్టర్స్ కాల్ సెంటర్ కూడా ఏర్పాటు చేయడం జరిగింది. +974 4020 5020 నెంబర్ ద్వారా అవసరమైన అన్ని వివరాలూ తెలియజేసేలా ఈ కాల్ సెంటర్ ఏర్పాటు చేశారు.