కువైట్ సిటీ: గృహ కార్మికుల భర్తీ, నియామకాల్లో కొరతను అధిగమించేందుకు కువైట్ కీలక నిర్ణయం తీసుకుంది. గృహ కార్మికుల ఎంట్రీ వీసాల గడువును 3 నెలల నుంచి 6 నెలలకు పొడిగించింది. ఈ మేరకు అంతర్గత మంత్రిత్వ శాఖ ఆమోదం తెలిపినట్లు కువైట్ యూనియన్ ఆఫ్ డొమస్టిక్ లేబర్ ఆఫీసెస్ ఛైర్మన్ ప్రకటించారు. ఎంట్రీ వీసాను ఆరు నెలల పాటు పొడిగించటంతో పాటు వారి పాస్ పోర్టు గడువు రెండేళ్లకు బదులు 18 నెలల గడువు మాత్రమే ఉన్నా...రెసిడెన్సీ అర్హతను ముద్రించాలన్నారు. ఈ విధానాలతో డొమస్టిక్ కార్మికుల భర్తీని సరళతరం చేసినట్లు అవుతుందని కువైట్ యూనియన్ ఆఫ్ డొమస్టిక్ లేబర్ ఆఫీసెస్ ఛైర్మన్ అభిప్రాయపడ్డారు.