సౌదీ: గ్యాస్ లీక్ కారణంగా సంభవించిన పేలుడు కారణంగా ఒకరు మరణించగా, ఏడుగురికి గాయాలయ్యాయని సివిల్ డిఫెన్స్ సర్వీస్ వెల్లడించింది. సివిల్ డిఫెన్స్ వెల్లడించిన వివరాల ప్రకారం, తమ టీమ్స్ సంఘటనా స్థలానికి చేరుకుని సహాయక చర్యలు చేపట్టారు. ఓ రెస్టారెంటులో ఈ అగ్ని ప్రమాదం జరిగింది. సౌదీ తూర్పు ప్రాంతంలోని అల్ ఖుబార్ నగరంలో ఈ ఘటన జరిగింది. గాయపడ్డవారిని ఆసుపత్రికి తరలించారు. గాయపడ్డవారిలో ఇద్దరి పరిస్థితి విషమంగా వుంది. పూర్తి వివరాలు తెలియాల్సి వుంది.