సౌదీ: కోవిడ్ ఎఫెక్ట్ తో సౌదీ నుంచి తాత్కాలికంగా నిలిచిపోయిన అంతర్జాతీయ విమాన సర్వీసులు ఎట్టకేలకు పున:ప్రారంభం అయ్యాయి. ఇవాళ్టి నుంచి 30 దేశాల్లోని 43 అంతర్జాతీయ విమానాశ్రయాలకు తమ సర్వీసులను నడుపుతున్నట్లు సౌదీ జాతీయ విమానయాన సంస్థ సౌదీ అరేబియన్ ఎయిర్ లైన్స్ ప్రకటించింది. కింగ్డమ్ లోని రియాద్, జెడ్డా నగరాల నుంచి ఇంటర్నేషనల్ ఫ్లైట్స్ ను ఆపరేట్ చేయనున్నట్లు ఎయిర్ లైన్స్ అధికారులు వెల్లడించారు. రియాద్ నుంచి ప్రతీ వారం 153 ఫ్లైట్స్, జెడ్డా నుంచి 178 ఫ్లైట్స్ ను నడపనున్నట్లు వివరించారు. అయితే..విమాన సర్వీసుల పున:ప్రారంభం తర్వాత రియాద్ నుంచి ఎగిరే తొలి విమానం హైదరాబాద్ కు రానుండగా, జెడ్డా నుంచి ఢాకాకు తొలి విమానం టేకాఫ్ కానుంది. అలాగే రియాద్ కు కైరో నుంచి జెడ్డాకు జకార్త నుంచి తొలి ఫ్లైట్స్ ల్యాండ్ కానున్నాయి.