ఉప రాష్ట్రపతి హమీద్‌ అన్సారీ శనివారం హైదరాబాద్‌ పర్యటనకు రానున్నారు. ఉప రాష్ట్రపతి మొదట రాజ్‌భవన్‌ నుంచి పాత నగరంలోని తాజ్‌ ఫలక్‌నుమా ప్యాలెస్‌కు విచ్చేస్తారు. అనంతరం శని, ఆదివారాల్లో నగరంలోని చార్మినార్‌, కుతుబ్‌ షాహీ సమాధులు తదితర పర్యాటక కేంద్రాలను సందర్శిస్తారు. ఈ నేపథ్యంలో శుక్రవారం పోలీస్‌ శాఖ రాజ్‌భవన్‌ నుంచి 30కి పైగా వాహనాల శ్రేణితో తాజ్‌ ఫలక్‌నుమా ప్యాలెస్‌ వరకు అక్కడి నుంచి కుతుబ్‌షాహీ సమాధుల వరకు కాన్వాయ్‌ రిహార్సల్స్‌ నిర్వహించింది. ఈ సందర్భంగా కాన్వాయ్‌ సాగే రహదారుల వెంట ఆయా పోలీసుస్టేషన్ల పోలీసులు బందోబస్తు నిర్వహించి ట్రాఫిక్‌ను నిలిపివేశారు.