కువైట్: మినిస్ట్రీ ఆఫ్ హెల్త్, 12 నుంచి 15 ఏళ్ళ మధ్య వయసున్న పిల్లలకు వ్యాక్సినేషన్ వేయించేందుకు సంసిద్ధమవుతోంది.ఈ మేరకు వారి తల్లిదండ్రులకు సమాచారం పంపే పక్రియను ఇప్పటికే ప్రారంభించింది.పిల్లల తల్లిదండ్రులు, వ్యాక్సినేషన్ కోసం రిజిస్టర్ చేసుకోవాల్సి వుంటుంది.అమెరికా ఫుడ్ మరియు డ్రగ్ అడ్మినిస్ట్రేషన్ 12 నుంచి 15 ఏళ్ళ వయసు లోపు పిల్లలకు ఫైజర్ వ్యాక్సిన్ పనిచేస్తుందని వెల్లడిస్తూ, అనుమతి మంజూరు చేసిన దరిమిలా, ఈ నిర్ణయం తీసుకున్నారు. పిల్లలు కరోనా కారణంగా ఇబ్బందులు ఎదుర్కొనకుండా వుండేందుకు వారికి వ్యాక్సినేషన్ చేపట్టనున్నారు. దీన్ని మూడో ఫేజ్ ట్రయల్ ఫలితాల ఆధారంగా చేపడుతున్నారు.

--దివాకర్(మాగల్ఫ్ ప్రతినిధి,కువైట్)