కువైట్: కువైట్ లో టెంపరేచర్స్ భారీగా పడిపోతున్నాయని, త్వరలోనే కొన్ని ప్రాంతాల్లో జీరో టెంపరేచర్స్ నమోదయ్యే అవకాశం ఉందని వాతావరణ శాఖ హెచ్చరికలు జారీ చేసింది. ముఖ్యంగా తెల్లవారుజామున కనిష్ట ఉష్ణోగ్రతలు గణనీయంగా పడిపోతాయని హెచ్చరించింది. 

ఇప్పటికే కొన్ని ప్రాంతాల్లో సాధారణ ఉష్ణోగ్రతల కంటే తెల్లవారు జాము సమయంలో సుమారు 3 డిగ్రీల సెల్సియస్‌కు టెంపరేచర్స్ నమోదయ్యే అవకాశం ఉందని తెలిపింది.  కొన్ని ప్రాంతాలలో అవి జీరో లేదా అంతకంటే తక్కువకు పడిపోయే అవకాశం ఉందని పేర్కొంది. ముఖ్యంగా వ్యవసాయ మరియు ఎడారి ప్రాంతాలలో మంచు కురిసే అవకాశం ఉందని హెచ్చరించింది. ప్రజలు, రైతులు మరియు వాహనదారులు తెల్లవారుజామున అవసరమైన జాగ్రత్తలు తీసుకోవాలని వాతావరణ శాఖ సూచించింది.