కువైట్ సిటీ: షిషా కేఫ్ యజమానులు, హుక్కా నిషేధం పట్ల ఆందోళన వ్యక్తం చేస్తున్నారు. మినిస్ట్రీ ఆఫ్ హెల్త్ హుక్కాని నిషేధిస్తూ నిర్ణయం తీసుకున్న సంగతి తెలిసిందే. కరోనా వైరస్ వ్యాప్తిని అడ్డుకునేందుకు తీసుకున్న చర్యల్లో హుక్కా నిషేధం కూడా ఒకటి. అవసరమైన జాగ్రత్త చర్యలు తీసుకుని హుక్కా నిర్వహణకు అనుమతివ్వాలని యజమానులు కోరుతున్నారు. హుక్కాలను ఎప్పటికప్పుడు స్టెరిలైజింగ్ చేస్తామని వారు చెబుతున్నారు. హుక్కా నిషేధంతో 7,600 కేఫ్ లు సుమారుగా 1 బిలియన్ కువైటీ దినార్ల నష్టాన్ని గడచిన 13 నెలల్లో అనుభవిస్తున్నట్లు అన్వర్ అల్ నజ్జార్ చెప్పారు.