బహ్రెయిన్: వ్యాక్సిన్ పొందిన, వ్యాక్సిన్ పొందని వ్యక్తులు విదేశాల నుంచి వస్తే, వారికి తప్పనిసరిగా 10 రోజుల హోం లేదా ఇనిస్టిట్యూషనల్ క్వారంటైన్ తప్పదని బహ్రెయిన్ స్పష్టం చేసింది. అలాగే, రెడ్ లిస్టులో వున్నదేశాల నుంచి వచ్చేవారిపై నిషేధం వుందని బహ్రెయిన్ అథారిటీస్ పేర్కొన్నాయి. ఇండియా, పాకిస్తాన్, శ్రీలంక, బంగ్లాదేశ్ మరియు నేసాల్ దేశాల్ని రెడ్ లిస్టులో చేర్చింది. మే 24 నుంచి ఇది అమల్లోకి వస్తుంది. అయితే బహ్రెయినీ పౌరులు, రెసిడెన్సీ వీసా కలిగినవారికి ఈ నిబంధన నుంచి మినహాయింపునిస్తున్నారు. వీళ్ళంతా ప్రయాణానికి ముందు తమ వెంట పీసీఆర్ నెగెటివ్ సర్టిఫికెట్ తీసుకురావాల్సి వుంటుంది. అలాగే వీరికి 10 రోజుల క్వారంటైన్ తప్పదు.