యూఏఈ: మూడు రోజుల పాటు సేల్స్ ఎగ్జిక్యూటివ్స్ నియామకాలు (ఖాళీ వున్న పోస్టులు) చేపట్టబడతాయి. శనివారం మే 29 నుంచి దుబాయ్ మరియు అబుదాబీల్లో ఈ డ్రైవ్ చేపడతారు. సేల్స్ రంగంలో అనుభవం వున్న యూఏఈ రెసిడెంట్స్ ఈ అవకాశాన్ని సద్వినియోగం చేసుకోవచ్చు. బ్యాంకింగ్ సెక్టార్ అనుభవం, రిటెయిల్ బ్యాంకింగ్ ఉత్పత్తులపై అవగాహన, పర్సనల్ లోన్స్, క్రెడిట్ కార్డులు వంటి వాటిపై అవగాహన, సెల్లింగ్ స్కిల్స్.. వున్నవారికి ఈ ఉద్యోగాల్లో ప్రాధాన్యత వుంటుంది. ఎంపికైన వారికి ఆకర్షణీయమైన వేతనం అలాగే ఇన్సెంటివ్స్ వుంటాయి వార్షిక పనితీరుని బట్టి వేతన పెంపు కూడా వుంటుంది. మెడికల్ ఇన్స్యూరెన్స్, వీసా సౌకర్యం కూడా కల్పిస్తారు. దుబాయ్, అబుదాబీలలోని యూఏఈ బ్యాంకుల కోసం పనిచేయాల్సి వుంటుంది. మే 29 నుంచి మే 31 వరకు ఉదయం 10 గంటల నుంచి మధ్యాహ్నం 2 గంటల వరకు దుబాయ్ మరియు అబుదాబీలలో ఇంటర్వ్యూలు జరుగుతాయి. దుబాయ్: సిటీ బే బిజినెస్ సెంటర్, మొదటి ఫ్లోర్, అబు హెయిల్ అలాగే, అబుదాబీ: ఆఫీస్ నెంబర్ 702, జిటిహెచ్ బిల్డింగ్, టూరిస్ట్ క్లబ్ ప్రాంతం, ఎలెక్ట్రా స్ట్రీట్.. వద్ద ఇంటర్వ్యూలను నిర్వహిస్తారు.