మస్కట్: ప్రైవేటు ఆసుపత్రుల్లో రెండు డోసుల వ్యాక్సిన్ కోసం 22 ఒమన్ రియాల్స్ ఖర్చవుతుంది. ఈ విషయాన్ని మినిస్ట్రీ ఆఫ్ హెల్త్ వెల్లడించింది. ప్రైవేటు సెక్టార్ కోసం పెద్ద మొత్తంలో ఆస్ట్రాజెనకా వ్యాక్సిన్లను పంపిణీ చేయడం జరిగిందని మినిస్ట్రీ తెలిపింది. నిర్ణీత నియమ నిబంధనలకు లోబడి సమయం కోసం ఎదురుచూడలేనివారు ప్రైవేటు ఆసుపత్రుల్లో వ్యాక్సినేషన్ తీసుకోవచ్చు. ఒక డోసు వ్యాక్సిన్ కోసం 8 ఒమన్ రియాల్స్ ఖర్చవుతుంది. ఆసుపత్రుల నిర్వహణ ఖర్చు నిమిత్తం అదనంగా 3 ఒమన్ రియాల్స్ వసూలు చేస్తారు.