బహ్రెయిన్: బహ్రెయిన్ దేశంలో సుదీర్ఘ కాలంగా వైద్య సేవలందించిన ఓ ప్రముఖ వైద్యుడు కరోనా బారిన పడి ప్రాణాలు కోల్పోయారు. డాక్టర్ వలసలన్ రాఘవన్, ఎమర్జన్సీ మెడిసిన్ ఫిజీషియన్ హోదాలో మినిస్ట్రీ ఆఫ్ ఇంటీయిర్ లో పనిచేశారు. 76 ఏళ్ళ ఈ ప్రముఖ డాక్టర్ సల్మానియా మెడికల్ కాంప్లెక్సులో యాక్సిడెంట్స్ అలాగే ఎమర్జన్సీ డిపార్టుమెంటులో 47 ఏళ్ళుగా సేవలందించారు. చిన్న హెల్త్ సెంటర్ గా వున్నప్పటినుంచి ఎస్ఎంసి అభివృద్ధి చెందిన వైనాన్ని ఆయన తన కళ్ళతో చూశారు. ఆ ఎదుగుదలలో కీలక పాత్ర పోషించారు. బహ్రెయిన్ నేషనల్ డిజాస్టర్ మేనేజ్మెంట్ మరియు ఫార్ములా వన్ బహ్రెయిన్ ఎమర్జన్సీ టీంలో వ్యూహాత్మక భాగం పొందారు. ఫార్ములా వన్ బహ్రెయిన్ విఐపీ టవర్ లో ఎమర్జన్సీ ఫిజీషియన్ హోదాలో పని చేశారు. సిట్రా ఫీల్డ్ ఇంటెన్సివ్ కేర్ యూనిట్ ఆసుపతరిలో ఆయనకు వైద్య చికిత్స అందించడం జరిగింది. భార్య మీరా, కుమారులు రాకేష్ మరియు బ్రిజేష్ ఆయనకు వున్నారు.