న్యూ ఢిల్లీ: భారత్ లో తాజాగా కేంద్ర ప్రభుత్వం విడుదల చేసిన  బులిటెన్ ప్రకారం, గ‌డిచిన 24 గంట‌ల్లో ఇండియాలో 42,640 క‌రోనా కేసులు న‌మోద‌య్యాయి. దీంతో భారత్ లో ఇప్పటి వ‌ర‌కు న‌మోదైన మొత్తం క‌రోనా కేసుల సంఖ్య 2,99,77,861 కి చేరింది. ఇందులో 2,89,26,038 మంది కోలుకొని డిశ్చార్జ్‌కాగా, 6,62,521 కేసులు యాక్టీవ్‌గా ఉన్నాయి.

ఇక‌, గ‌డిచిన 24 గంట‌ల్లో  భారత్  లో క‌రోనాతో 1,167 మంది మృతి చెందారు. దేశంలో ఇప్పటి వ‌ర‌కు మొత్తం 3,89,302 మంది క‌రోనాతో మృతి చెందారు. ఒక్క రోజులో దేశంలో 81,839 మంది కోలుకొని డిశ్చార్జ్ అయ్యారు. ఇక ఇప్పటి వ‌ర‌కు దేశంలో 28,87,66,201 మందికి వ్యాక్సిన్ అందించారు.