రియాద్: సౌదీ సెంట్రల్ బ్యాంక్ (ఎస్ఎఎంఎ), మైక్రో మరియు స్మాల్ అలాగే మీడియం ఎంటర్‌ప్రైజెస్ (ఎంఎస్ఎంఈ)కు జులై 1 నుంచి సెప్టెంబర్ 30 వరకు అదనపు సాయాన్ని పొడిగిస్తూ నిర్ణయం తీసుకుంది. ఆర్థిక రంగంలో స్థిరత్వం దిశగా సౌదీ సెంట్రల్ బ్యాంక్ ఈ చర్యలు తీసుకుంటున్నట్లుగా వెల్లడించారు. కరోనా వ్యాప్తిని అరికట్టే క్రమంలో ప్రభుత్వం తీసుకున్న చర్యల కారణంగా ఇబ్బంది పడ్డ ఎంఎస్ఎంఈలకు ఆయా నిబంధనలకు లోబడి సాయం చేయడం జరిగిందని అథారిటీస్ పేర్కొన్నాయి. మార్చి 14, 2020 నుంచి ఇప్పటిదాకా సుమారు 106,000 కాంట్రాక్టులకు ఈ సాయం అందించబడింది. గ్యారంటీడ్ ఫైనాన్సింగ్ ప్రోగ్రామ్ 5,282 కాంట్రాక్టులకు సాయం చేసింది. దీని మొత్తం విలువ 10 బిలియన్ సౌదీ రియాల్స్.