ఒమన్: ఓవైపు స్థానిక పౌరులకు ఉపాధి కల్పించేలా ఒమనైజేషన్ లక్ష్యం దిశగా అడుగులు వేస్తూనే..మరోవైపు విదేశీ పెట్టుబడులు, ప్రవాసీయుల మేథోసంపతిని దేశ ప్రయోజనాలకు వినియోగించుకునేలా ఒమన్ ప్రభుత్వం నిర్ణయాలు తీసుకుంటోంది. ఇందులో భాగంగా ఫారెన్ ఇన్వెస్టర్లకు, నైపుణ్య రంగాల్లోని వ్యక్తులకు దీర్ఘకాల వీసాలు ఇవ్వనున్నట్లు వెల్లడించింది. 5, 10 ఏళ్ల గడువుతో లాంగ్ టర్న్ వీసాలను మంజూరు చేస్తున్నట్లు ప్రకటించింది. వచ్చే సెప్టెంబర్ నుంచి ఈ నిర్ణయం అమలులోకి రానుంది. ఇదిలాఉంటే..ఒమన్ జనాభాలో 42 శాతం ప్రవాసీయులే కావటం విశేషం. దీంతో స్థానికులకు ఉపాధి అవకాశాలను మెరుగుపర్చటంతో సొంతంగా శ్రామికశక్తిని అభివృద్ధి చేసుకునేలా ఒమనైజేషన్ స్కీంను అమలు చేస్తున్న విషయం తెలిసిందే.