ప్రభుత్వ పాలసీలు, కార్యక్రమాలు, సేవలు అన్నీ పాజిటివ్‌ మరియు హ్యాపీ కమ్యూనిటీ కోసమేనని వైస్‌ ప్రెసిడెంట్‌ మరియు ప్రైమ్‌ మినిస్టర్‌ ఆఫ్‌ది యూఏఈ, రూలర్‌ ఆఫ్‌ దుబాయ్‌ షేక్‌ మహమ్మద్‌ బిన్‌ రషీద్‌ అల్‌ మక్తౌమ్‌ చెప్పారు. వ్యక్తుల్లోనూ, కుటుంబాల్లోనూ, సమాజంలోనూ సంతోషాలు నింపడమే లక్ష్యంగా పనిచేస్తున్నామనీ సానుకూల దృక్పథాన్ని పెంచి పోషించేలా చర్యలు తీసుకుంటున్నామని ఆయన వివరించారు. నేషనల్‌ ప్రోగ్రామ్‌ ఫర్‌ హ్యాపీనెస్‌ అండ్‌ పోసిటివిటీపై రివ్యూ చేసిన సందర్భంగా ఈ వ్యాఖ్యలు చేశారాయన. యూఏఈ కమ్యూనిటీలో హ్యాపీనెస్‌ని లైఫ్‌ స్టైల్‌గా మార్చాలనే ఉద్దేశ్యంతో పనిచేస్తున్నట్లు చెప్పారాయన. హ్యాపీనెస్‌కి సంబంధించి నేషనల్‌ ప్లాన్‌లో భాగంగా సైంటిఫిక్‌ మరియు కల్చరల్‌ కంటెంట్స్‌కి సంబంధించిన అంశాలను ప్రచురించడం, హ్యాపీనెస్‌పై పుస్తకాల్ని తీసుకురావడం, అలాంటి పుస్తకాల్ని ప్రతి ఒక్కరూ చదివేలా ప్రోత్సహించడం వంటి ముఖ్యమైన అంశాల్ని పొందుపర్చారు.