ఒమన్: కర్ఫ్యూ సమయాల్లోనూ స్టార్ హోటళ్లు రెస్టారెంట్లు, కేఫ్ లను నిర్వహించుకోవచ్చని ఒమన్ పర్యాటక శాక వెల్లడించింది. ఈ మేరకు ఆదేశాలు జారీ చేసింది. ఫోర్, ఫైవ్ స్టార్ హోటల్స్ లోని ఔట్ లెట్స్ కు మాత్రమే ఈ మినహాయింపు వర్తిస్తుంది. అయితే..హోటల్స్ లో బస చేసే అతిథులకు మాత్రమే రెస్టారెంట్లు, కేఫ్ లలోకి అనుమతించాలని, బయటికి వ్యక్తులను అనుమతించకూడదని కూడా షరతు విధించింది. కోవిడ్ వ్యాప్తి నియంత్రణలో భాగంగా ఒమన్ వ్యాప్తంగా రాత్రి 8 గంటల నుంచి తెల్లవారుజాము 4 గంటల వరకు పాక్షిక కర్ఫ్యూ విధించిన విషయం తెలిసిందే. కర్ఫ్యూ సమయంలో వాణిజ్య కేంద్రాలు, వాహనాలు, జన సంచారంపై నిషేధం అమలులో ఉంటుంది. అయితే..ఎమర్జెన్సీ సర్వీసులు, శానిటేషన్ వంటి సర్వీస్ వాహనాలు, ఫుడ్ డెలివరీ వాహనాలకు మాత్రం మినహాయింపు ఇచ్చిన విషయం
తెలిసిందే.