అమరావతి: రాజకీయాల్లో నిత్యం బిజీగా ఉండే ఏపీ సీఎం వైఎస్ జగన్ క్రికెటర్‌గా అవతారమెత్తారు. శుక్రవారం కడప జిల్లా పర్యటనలో భాగంగా తన తాతగారైన వైఎస్ రాజారెడ్డి పేరిట నిర్మితమవైన వైఎస్ రాజారెడ్డి ఏసీఏ క్రికెట్ స్టేడియంలో సరదాగా క్రికెట్ ఆడారు. స్టేడియంలో ఫ్లడ్ లైట్ల ఏర్పాటు పనులకు సీఎం జగన్ శంకుస్థాపన చేశారు.

ఈ సందర్భంగా బ్యాట్ పట్టిన సీఎం జగన్ క్రికెట్ ఆడారు. దీనికి సంబంధించిన వీడియో ఇప్పుడు వైరల్ అవుతోంది. సీఎం జగన్‌కు క్రికెట్ లో నైపుణ్యం ఉన్నట్టు వీడియో క్లిప్పింగ్‌ చూస్తే తెలుస్తోంది. సీఎం పక్కా క్రికెటింగ్ షాట్లు ప్రదర్శించడంతో అక్కడున్న వారంతూ ఆశ్చర్యపోయారు. వన్స్ మోర్, వన్స్ మోర్ అంటూ మరికొన్ని బంతులు ఆడాలని సీఎం జగన్‌ను ఉత్సాహపరిచారు.