ఒమన్ సుల్తాన్ హైతం బిన్ తారిఖ్ రేపు, ఎల్లుండి(జులై 11, 12) సౌదీ అరేబియాలో పర్యటించనున్నారు. సౌదీ రాజు సల్మాన్ అహ్వానం మేరకు ఆయన పర్యటన ఖరారు అయ్యింది. ఈ పర్యటన సందర్భంగా దేశాధినేతలు సమావేశమై..రెండు దేశాల చారిత్రక సంబంధాల బలోపేతంపై చర్చించే అవకాశాలున్నాయి. అలాగే సౌదీ, ఒమనీ దేశాల అభివృద్ధికి వివిధ రంగాల్లో పరస్పర సహకారం, ఇరు దేశాల పౌరుల ప్రయోజనాలను పరిరక్షించేలా అవలంభించాల్సిన దౌత్య విధానాలపై కూడా చర్చించే ఆస్కారం ఉంది. ఇదిలాఉంటే 2020 జనవరిలో ఒమన్ సుల్తాన్ గా బాధ్యతలు చేపట్టిన తర్వాత హైతం బిన్ తారిఖ్ తొలి విదేశీ పర్యటన ఇదే కావటం విశేషం.