సౌదీ అరేబియా: సౌదీ అరేబియా ఈస్టర్న్ ప్రావిన్సులో 238 మంది వ్యక్తుల్ని ఐసోలేషన్ మరియు క్వారంటైన్ నిబంధనల ఉల్లంఘన నేపథ్యంలో అరెస్ట్ చేశారు. ఈ విషయాన్ని ఈ ప్రాంత పోలీసు అధికార ప్రతినిథి లెఫ్టినెంట్ కల్నల్ మొహమ్మద్ బిన్ షార్ అల్ షెహ్రి వెల్లడించారు. సెక్యూరిటీ అథారిటీస్ ఎప్పటికప్పుడు తనిఖీలు నిర్వహిస్తూ ఉల్లంఘనులపై ఉక్కుపాదం మోపుతున్నట్ల చెప్పారు. నిందితులపై ప్రాథమిక విచారణ అనంతరం, తదుపరి విచారణ నిమిత్తం సంబంధిత అథారిటీస్ కి అప్పగించడం జరిగింది. కోవిడ్ నిబంధనల్ని ఉల్లంఘిస్తే 200,000 సౌదీ రియాల్స్ వరకు అత్యధికంగా జరీమానా విధించే అవకాశం వుంది. రెండేళ్ళ వరకు జైలు శిక్ష కూడా విధించొచ్చు. పదే పదే ఉల్లంఘనలకు పాల్పడితే జరీమానా, జైలు శిక్ష రెండింతలయ్యే అవకాశముంది.