కువైట్: 60 ఏళ్లు నిండిన వారికి వర్క్ పర్మిట్ల జారీపై ఎట్టకేలకు సందిగ్థత తొలిగిపోయింది. హైస్కూల్ డిప్లోమా లేదా అంతకంటే తక్కువ విద్యార్హత ఉండి 60 ఏళ్లు నిండిన వారికి కూడా వర్క్ పర్మిట్లు రెన్యూవల్ చేయనున్నట్లు కువైట్ మానవ వనరుల శాఖ స్పష్టత ఇచ్చింది. అయితే వర్క్ పర్మిట్ రెన్యూవల్ కోసం వార్షిక ఛార్జీ KD2000 చెల్లించాల్సి ఉంటుంది. KD2000 కేవలం వర్క్ పర్మిట్ రెన్యూవల్ కోసమేనని..ఆరోగ్య శాఖ 60 ఏళ్ల కేటగిరి వారికి ఇచ్చే ఇన్సూరెన్స్ ఫీజులు వేరుగా చెల్లించాల్సి ఉంటుంది. అయితే..ఇన్సూరెన్స్ విధివిధానాలకు సంబంధించి త్వరలోనే అధికారిక ప్రకటన వెలువడే అవకాశాలు ఉన్నాయి.