దోహా: ఖతార్ డ్యూటీ ఫ్రీ (క్యుడిఎఫ్), 21వ యానివర్సరీ నేపథ్యంలో 21 కొత్త షాపింగ్ మరియు డైనింగ్ ఔట్‌లెట్లను ప్రారంభించనుంది. హమాద్ ఇంటర్నేషనల్ ఎయిర్ పోర్టులో వున్న కేంద్రాల స్థాయికి ఏమాత్రం తగ్గకుండా వీటిని ఏర్పాటు చేస్తారు. కొత్త ఔట్‌లెట్స్ డిపాచ్యుర్ మరియు అరైవల్ ప్రాంతాల్లో ఏర్పాటు చేయనున్నారు. గ్లోబల్ బ్రాండ్లు, ట్రావెల్ ఎషెన్ససియల్ స్టోర్స్, బిగ్ వాల్యూ వంటి సౌకర్యాలు ఇక్కడ పొందవచ్చు. ఖతార్ ఎయిర్ వేస్ గ్రూప్ ఎగ్జిక్యూటివ్ అక్బర్ అల్ బాకర్ మాట్లాడుతూ, అత్యద్భుతమైన రిటైల్ మరియు డైనింగ్ అనుభవం ప్రయాణీకులకు అందించడమే లక్ష్యంగా తమ సేవల్ని మరింత మెరుగ్గా మలచుతున్నట్లు చెప్పారు. ప్రపంచంలో మూడో అత్యద్భుతమైన విమానాశ్రయం అలాగే, మిడిల్ ఈస్ట్ ప్రాంతంలో మొట్టమొదటి అత్యద్భుత విమానాశ్రయంగా హమాద్ అంతర్జాతీయ విమానాశ్రయం తన ఉనికిని చాటుకుంటోంది. చవులూరించే ప్రపంచ స్థాయి వంటకాలతో కూడిన డైనింగ్, ప్రపంచంలో మేటి సౌందర్య ఉత్పత్తులు ఈ స్టోర్లలో ప్రత్యేకం.