రియాద్: సౌదీ అరేబియా యాంటీ కరప్షన్ అథారిటీ వెల్లడించిన వివరాల ప్రకారం, కరోనా వైరస్ హెల్త్ స్టేటస్ (పౌరులకు అలాగే నివాసితులకు) అక్రమంగా మార్చే క్రమంలో 122 మంది భాగస్వామ్యం వున్నట్లు తెలుస్తోంది. ఓవర్‌సైట్ మరియు యాంటీ కరప్షన్ విభాగం  12 మందిని అరెస్ట్ చేసినట్లు ఇప్పటికే వెల్లడించింది. సోషల్ మీడియా వేదికగా నిందితులు, ఈ నేరానికి పాల్పడే క్రమంలో ప్రకటనలు ఇచ్చారని అధికారులు తెలిపారు. విచారణ తర్వాత మొత్తం 122 మంది ఈ కుట్రలో భాగం పొందారని గుర్తించినట్లు అధికారులు వివరించారు. 122 మందిలో 9 మంది (ఏడుగురు పురుషులు, ఇద్దరు మహిళలు) హెల్త్ మినిస్ట్రీ ఉద్యోగులు కాగా, 21 మంది (ెనిమిది మంది పురుష పౌరులు, ఒక మహిళా పౌరురాలు 12 మంది వలసదారులు) ఫెసిలిటేటర్స్‌గా వ్యవహరించారు. 92 మంది లబ్దిదారులున్నారు.