ఒమన్ వ్యాప్తంగా పూర్తి స్థాయి లాక్ డౌన్ అమలు చేస్తున్నారు. దీంతో ప్రజలు బయటికి రావొద్దని, అత్యవసర వాహనాలకు మినహా మరెవరికి మినహాయింపు లేదని అధికారులు వెల్లడించారు. ఈద్ అల్ అధా వేళ ప్రజల కదలికలు, పబ్లిక్ గ్యాదరింగ్ ఎక్కువగా ఉండేందుకు ఆస్కారం ఉందని, సామూహిక ప్రార్ధనలు, బంధువులు కలుసుకోవటం వంటి చర్యలతో వైరస్ వ్యాప్తి చెందే ముప్పు ఉందని సుప్రీం కమిటీ భావిస్తోంది. ఈ నేపథ్యంలో వైరస్ వ్యాప్తి నియంత్రణకు ఈద్ అల్ ఆధా రోజుల్లో పూర్తి స్థాయి కర్ఫ్యూ విధించాలనే కమిటీ సూచనల మేరకు ఒమన్ ఈ నిర్ణయం తీసుకుంది. 14 దుల్ హిజ్జా 1442 శనివారం తెల్లవారుజాము 4 గంటల వరకు పూర్తిస్థాయి లాక్ డౌన్ అమలులో ఉంటుంది.