కువైట్: మినిస్ట్రీ ఆఫ్ హెల్త్, ఈద్ అల్ అదా సెలవుల నేపథ్యంలో పెద్దయెత్తున వ్యాక్సినేషన్ కార్యక్రమం నిర్వహించడానికి సన్నాహాలు చేసిన సంగతి తెలిసిందే. పౌరులు అలాగే రెసిడెంట్స్ పెద్దయెత్తున వ్యాక్సినేషన్ కేంద్రాలకు వ్యాక్సినేషన్ కోసం వస్తున్నారు. మిష్రెఫ్ ఎగ్జిబిషన్ గ్రౌండ్స్ వద్ద ఈద్ తొలి రోజున పెద్ద సంఖ్యలో జనం కనిపించారు. కరోనా వైరస్‌పై పోరులో భాగంగా అందరికీ వ్యాక్సిన్ అందించేందుకోసం మినిస్ట్రీ పూర్తి ఏర్పాట్లు చేసింది. ఎస్ఎంఎస్ ద్వారా వ్యాక్సినేషన్ అపాయింట్‌మెంట్ సౌకర్యం కల్పించడం జరిగింది.