ఉద్యోగం కోసం చూస్తున్నారా..? అయితే మీకు గుడ్ న్యూస్. విజయవాడలోని ఆంధ్రప్రదేశ్‌ స్టేట్‌ కో-ఆపరేటివ్‌ బ్యాంక్‌ లిమిటెడ్‌ (APCOB) పలు పోస్టులని భర్తీ చెయ్యడానికి నోటిఫికేషన్ ని విడుదల చేయడం జరిగింది. ఆసక్తి, అర్హత వున్నవాళ్లు ఈ పోస్టులకి అప్లై చెయ్యచ్చు. ఇక దీనికి సంబంధించి పూర్తి వివరాలలోకి వెళితే..

విజయవాడలోని ఆంధ్రప్రదేశ్‌ స్టేట్‌ కో-ఆపరేటివ్‌ బ్యాంక్‌ లిమిటెడ్‌ (APCOB) పలు పోస్టులని భర్తీ చేస్తోంది. ఐబీపీఎస్‌ ద్వారా 61 పోస్టుల భర్తీకి దరఖాస్తులు కోరుతోంది. ఇక పోస్టుల వివరాలని చూస్తే.. మేనేజర్‌ (స్కేల్‌-1), స్టాఫ్‌ అసిస్టెంట్‌ పోస్టులు వున్నాయి. ఆగస్టు 5 దరఖాస్తులకు చివరి తేది. అగ్రికల్చర్‌, హార్టికల్చర్‌, వెటర్నరీ, ఫిషరీస్‌ లో స్పెషలైజేషన్ ఉండాలి.

40 శాతం మార్కులతో గ్రాడ్యుయేషన్ ఉత్తీర్ణులై ఉండాలి. తెలుగు, ఇంగ్లిష్‌ ప్రొఫిషియన్సీ తో పాటు కంప్యూటర్‌ నాలెడ్జ్‌ కూడా ఉండాలి. వయసు 2021 జూన్‌ 1 నాటికి 20 నుంచి 28 ఏళ్ల మధ్య ఉండాలి.

ఆన్‌లైన్‌ టెస్ట్‌ ఆధారంగా ఎంపిక చేస్తారు. సెప్టెంబర్‌ మొదటి వారంలో ఈ టెస్ట్ ని నిర్వహిస్తారు. ఆన్‌లైన్‌లో దరఖాస్తు చేసుకోవాలి. దరఖాస్తు ఫీజు రూ.700 (ఎస్సీ, ఎస్టీ, ఎక్స్‌-సర్వీస్‌మెన్‌ అభ్యర్థులకు రూ.500). అభ్యర్థులు పూర్తి వివరాలకు https://www.apcob.org/ వెబ్‌సైట్‌ చూడొచ్చు.