ఒమన్: కార్మిక, రెసిడెన్సీ చట్టాలను ఉల్లంఘించటమే కాకుండా..చట్టం నుంచి తప్పించుకునేందుకు దేశం విడిచి వెళ్లే ప్రయత్నం చేసిన 16 మంది ప్రవాసీయులను రాయల్ ఒమన్ పోలీసులు అరెస్ట్ చేశారు. ప్రవాసీయులను అక్రమంగా తరలిస్తున్న బోటును స్వాధీనం చేసుకోవటంతో పాటు అందులోని ఇద్దరు సిబ్బందిని అదుపులోకి తీసుకున్నారు. సౌత్ అల్ బటినా గవర్నరేట్ పోలీసుల నేతృత్వంలోని కోస్ట్ గార్డ్ పోలీసు బోట్లు, సువైక్ విలయత్ తీరంలో అసియా బోటును అడ్డగించి ప్రవాసీయులను అరెస్ట్ చేసింది. వాళ్లందర్ని పబ్లిక్ ప్రాసిక్యూషన్ కు తరలించినట్లు పోలీసులు వెల్లడించారు.