ఒమన్: 2022 వరల్డ్ రేస్ వాకింగ్ టీమ్ చాంపియన్‌షిప్స్ పోటీలకు ఒమన్ ఆతిథ్యమివ్వనున్నట్లు వరల్డ్ అథ్లెటిక్స్, టోక్యోలో జరిగిన యాన్యువల్ కాంగ్రెస్‌లో ప్రకటించింది. మార్చి 1 నుంచి మార్చి 6, 2022 వరకు ఒమన్ కన్వెన్షన్ మరియు ఎగ్జిబిషన్ సెంటర్‌లో ఈ పోటీలు జరుగుతాయి. ఒమన్ సెయిల్, ఒమన్ అథ్లెటిక్స్ అసోసియేషన్ అలాగే ఓసీఈసీ భాగస్వామ్యంతో వీటిని నిర్వహిస్తారు. 1700 మంది అథ్లెట్స్ ఈ పోటీల్లో పాల్గొననున్నారు. ప్రపంచ స్థాయి సౌకర్యాలతో అంగరంగ వైభవంగా ఈ కార్యక్రమాన్ని నిర్వహించేందుకు ఏర్పాట్లు చేస్తున్నారు.