యూఏఈ ఫిట్టెస్ట్‌ మహిళ ఇవా క్లార్క్‌ తాజాగా రెండు గిన్నీస్‌ రికార్డ్స్‌ని సొంతం చేసుకున్నారు. 12 గంటల్లో అలాగే 24 గంటల కేటగిరీస్‌లో ఎక్కువ పుల్‌ అప్స్‌ తీసిన మహిళగా రికార్డులు సాధించారు ఇవా క్లార్క్‌. కేవలం ఆరు గంటల 30 నిమిషాల్లో 2,740 పుల్‌ అప్స్‌ తీసిన క్లార్క్‌, గతంలో 12 గంటల్లో తీసిన 2740 పుల్‌అప్స్‌ రికార్డ్‌ని బ్రేక్‌ చేశారు. 24 గంటల్లో 3500 పుల్‌ అప్స్‌ తీసిన గత రికార్డ్‌ని కూడా ఆమె బ్రేక్‌ చేశారు. 24 గంటల్లో క్లార్క్‌ 3,737 పుల్‌ అప్స్‌ తీసి రికార్డు సృష్టించారు. కేవలం గంట వ్యవధిలో 725 పుల్‌ అప్స్‌ తీసి, గతంలో ఉన్న 700 పుల్‌ అప్స్‌ రికార్డ్‌ని కూడా ఆమె తిరగరాశారు. ఏడుసార్లు ఇలాంటి రికార్డుల్ని క్లార్క్‌ సొంతం చేసుకున్నారు. క్లార్క్‌ సమాజం పట్ల కూడా ఎంతో బాధ్యతగా వ్యవహరిస్తారు. అనేక సేవా కార్యక్రమంలో పాల్గొని మేటి మహిళ అనిపించుకున్నారామె.