మనామా: గ్లోబల్ వ్యాక్సినేషన్ రేసులో యూఏఈతో కలిసి బహ్రెయిన్ ముందు వరుసలో వుంది. బహ్రెయిన్ రెండో స్థానంలో నిలవగా, యూఏఈ మొదటి స్థానం దక్కించుకుంది. యూఏఈలో 71.2 శాతం మంది జనాభాకి వ్యాక్సినేషన్ జరగ్గా, బహ్రెయిన్ 62.5 శాతం వ్యాక్సినేషన్ అందించింది. బహ్రెయిన్ ఇప్పటిదాకా 2,372,765 డోసుల వ్యాక్సినేషన్ అందించడం జరిగింది. సినోఫామ్, ఫైజర్ బయో ఎన్ టెక్, ఆస్ట్రా జెనకా కోవిషీల్డ్, జాన్సన్ అండ్ జాన్సన్, స్పుత్నిక్ వి, స్పుత్నిక్ లైట్ వ్యాక్సిన్లను బహ్రెయిన్ అనుమతించిన సంగతి తెలిసిందే. కాగా, ఈ రేసులో ఇజ్రాయెల్ 62.2 శాతం వ్యాక్సినేషన్‌తో మూడో స్థానంలో నిలిచింది. యూకే 57.3 శాతం వ్యాక్సినేషన్ చేయగా, అమెరికా కేవలం 49.4 శాతం వ్యాక్సినేషన్ మాత్రమే చేయగలిగింది.