యూఏఈ: యూఏఈ టెలికాం దిగ్గజం ఎతిసలాత్ తమ వినియోగదారులకు ఊరటనిచ్చే ప్రకటన చేసింది. ప్రతీ నెల ఒకటో తేదీన జనరేట్ అయ్యే బిల్లుల చెల్లింపులకు 15 రోజుల గ్రేస్ పిరీయడ్ ప్రకటించింది. దీంతో బిల్లుల చెల్లింపులకు కస్టమర్లకు తగినంత సమయం దొరుకుంది. అంతేకాకుండా గడువు లోగానే బిల్లులు చెల్లింపుల ద్వారా రీకనెక్షన్ ఫీజు  DH26.25తో పాటు ఐదు శాతం వ్యాట్ నుంచి బయటపడొచ్చు. లేట్ పేమెంట్ ఫైన్, రీకనెక్షన్ ఫీజుల నుంచి తప్పించుకునేందుకు వినియోగదారులు గడువులోగానే బిల్లులను చెల్లించాలని, అవసరం అనుకుంటే క్రెడిట్ కార్డు నుంచి ఆటోమెటిగ్గా బిల్లులను చెల్లించేలా ఆటో పేమెంట్ సర్వీస్ ను వినియోగించుకోవాలని ఎతిసలాత్ వినియోగదారులకు సూచించింది.

ఇదిలాఉంటే..టెలికాం రంగంలో రోజురోజుకు జరుగుతున్న అభివృద్ధి కారణంగా పాతతరం సిగ్నల్ సేవలకు స్వస్తి పలకనున్నట్లు కూడా ఎతిసలాత్ స్పష్టం చేసింది. టెలికమ్యూనికేషన్స్& డిజిటల్ గవర్నమెంట్ రెగ్యులేటరీ అథారిటీ-TDRAకి అనుగుణంగా 2022 చివరి నాటికి తమ 2G నెట్‌వర్క్ క్రమంగా స్విచ్ ఆఫ్ చేయబడుతుందని ఎతిసలాట్ తెలిపింది. అయితే..2G వినియోగదారులను 4G/5Gకి అప్ గ్రేడ్ చేసేలా అల్టర్నేట్ డివైజ్ లు అందించనున్నట్లు వెల్లడించింది.