ఒమన్: లైసెన్స్ లేకుండా తీర ప్రాంతంలో పర్యాటకులను తీసుకువెళ్తున్న ఓ సముద్ర నౌకను రవాణా, కమ్యూనికేషన్స్& ఇన్ఫర్మేషన్ టెక్నాలజీ మంత్రిత్వ శాఖ స్వాధీనం చేసుకుంది. సముద్ర తీర ప్రాంతంలో అనుమతి ఉన్న మెరైన్ యూనిట్లకు మాత్రమే అనుమతించేలా రవాణా, కమ్యూనికేషన్స్& ఇన్ఫర్మేషన్ టెక్నాలజీ మంత్రిత్వ శాఖ ఒక కార్యచరణను గతంలోనే సిద్ధం చేసింది. నిబంధనలను నౌకల యజమానులకు కూడా స్పష్టం చేసింది. అయితే..ఎలాంటి అనుమతులు లేకుండా పర్యాటక నౌకగా వినియోగిస్తున్న నౌకను గుర్తించిన సముద్ర సంబంధ వ్యవహారాల డైరెక్టరేట్ జనరల్ విభాగంలోని జ్యుడీషియల్ ఎన్‌ఫోర్స్‌మెంట్ అధికారులు..రాయల్ ఒమన్ కోస్ట్ గార్డ్ టీం సహకారంతో స్వాధీనం చేసుకున్నారు.