ఖతార్: ఖతార్‌లోని భారత ఎంబసీ, ట్రావెల్ అడ్వయిజరీని భారతదేశం నుంచి ఖతార్ వచ్చే ప్రయాణీకులకోసం చేయడం జరిగింది. నార్కోటిక్స్ లేదా సైకోట్రోపిక్ సబ్‌స్టాన్సెస్ కలిగి వున్న మెడిసిన్స్ తీసుకురావడంపై నిషేధం వుందని భారత ఎంబసీ తెలిపింది. లిరికా, ట్రమడాల్, అల్ప్రాజోలం, జోల్పిడెమ్, కోడెయిన్, మెతాడోన్, ప్రెగాబాలిన్ తదితర మందులపై నిషేధం వుందని తెలిపింది. ఇండియన్ ఎంబసీ వెబ్‌సైట్ ద్వారా నిషేధిత మందుల వివరాలు తెలుసుకోవచ్చు. నిషేధిత మందుల్ని తమ వెంట తీసుకొస్తే, అరెస్టు అలాగే జైలు శిక్ష ఎదుర్కోవాల్సి వస్తుంది. సరైన ప్రిస్కప్షన్ (30 రోజులు దాటనిది), అది కూడా ప్రముఖ ఆసుపత్రి నుంచి తీసుకన్నది తమ వెంట ప్రయాణీకులు తెచ్చుకోవాల్సి వస్తుంది.

--రాజ్ కుమార్ వనంబత్తిన(మాగల్ఫ్ ప్రతినిధి,ఖతార్)