మస్కట్‌ ఐకానిక్‌ ముట్రాహ్‌ కోర్నిచ్‌ రేస్‌ ట్రాక్‌ సందడి చేయనుంది. పార్ములా వన్‌ గ్లామర్‌, హై ఓల్టేజ్‌ యాక్షన్‌ ఒమన్‌లో ఔత్సాహికుల్ని అలరించనుంది. ఎఫ్‌1 షో రన్‌ ఏప్రిల్‌ 8న ఒమన్‌లో జరగనుంది. 20,000 మంది అభిమానుల్ని అలరించనున్న ఈ ఫార్ములా వన్‌ రేసింగ్‌ని రెడ్‌ బుల్‌ తీసుకొస్తోంది. కేవలం 2.4 సెకెన్లలోనే సున్నా నుంచి గంటకు 100 కిలోమీటర్ల వేగాన్ని అందుకోనున్న హై స్పీడ్‌ హై పవర్‌ రేస్‌ కార్లు అభిమానుల్ని ఉర్రూతలూగిస్తాయి. ఏప్రిల్‌ 8కి కొద్ది రోజుల ముందునుంచే ఫార్ములా వన్‌ సందడి ఒమన్‌లోని పలు ప్రాంతాల్లో నెలకొంది. ఒమన్‌టెల్‌ హెడ్‌ క్వార్టర్‌లో ఏప్రిల్‌ 7న ప్రత్యేక కార్యక్రమం జరగనుంది. ఒమన్‌టెల్‌ ఈ ఈవెంట్‌లో ప్రధాన భూమికను నిర్వహిస్తోంది. టైమ్స్‌ ఆఫ్‌ ఒమన్‌, షాబిబా, ది మినిస్ట్రీ ఆఫ్‌ టూరిజం, ది రాయల్‌ ఒమన్‌ పోలీస్‌, ఒమన్‌ ఆటోమొబైల్‌ అసోసియేషన్‌, ఖిమ్జి రామ్‌దాస్‌, హై ఎఫ్‌ఎం మరియు హలా ఎఫ్‌ఎం ఈ ఈవెంట్‌కి భాగస్వాములుగా వ్యవహరించనున్నాయి.