దుబాయ్: ఎక్స్‌పో 2020 మరో పది రోజుల్లో ప్రారంభం కానుండగా, ‘దిస్ ఈజ్ అవర్ టైమ్’ పేరుతో ఎక్స్‌పో 2020 థీమ్ సాంగ్ విడుదలయ్యింది. ప్రపంచ వ్యాప్తంగా వున్న వివిధ దేశాలు ఈ ఎక్స్‌పోలో భాగం పంచుకుంటున్నాయి. ఈ నేపథ్యంలో అందర్నీ మమేకం చేసేలా ఈ పాటని రూపొందించారు. హుస్సేన్ అల్ జాస్మి (యూఏఈలో ప్రముఖ కళాకారుడు) ఈ పాటలో వున్నారు. ఆయన ఎక్స్‌పో 2020 బ్రాండ్ అంబాసిడర్ కూడా. లెబనీస్ అమెరికన్ గ్రామీ నామినేటెడ్ సింగర్ సాంగ్ రైటర్ మేస్సా కారా కూడా ఈ పాట కోసం పనిచేశారు. 21 ఏళ్ళ ఎమిరేటీ సింగర్, సాంగ్ రైటర్ అల్మాస్ కూడా ఈ పాట కోసం పని చేయడం జరిగింది. ఈ పాట చాలా ప్రత్యేకమైనదనీ, యూఏఈ ఖ్యాతిని మరింత పెంచేలా దీన్ని రూపొందించామని అల్ జాస్మి చెప్పారు. ఈ పాటలో భాగమైనందుకు ఆనందంగా వుందని అల్మాస్ అన్నారు. కారా మాట్లాడుతూ, ఇది తనకు దక్కిన అరుదైన గౌరవంగా భావిస్తున్నట్లు పేర్కొన్నారు.