యూఏఈ: విదేశాల్లో కరోనా వ్యాక్సిన్ తీసుకున్న అబుదాబి వాసులకు ఇబ్బంది లేకుండా ప్రభుత్వం చర్యలు చేపట్టింది. విదేశాల్లో తీసుకున్న టీకా వివరాలను యాప్ లో అప్ లోడ్ చేస్తే చాలని తెలిపింది. ఐతే వరల్డ్ హెల్త్ ఆర్గనైజేషన్ అఫ్రూవ్ చేసిన టీకానే వేసుకొని ఉండాలని కోరింది. టీకా తీసుకున్న వ్యక్తి పేరు, వివరాలను నమోదు చేయాలని తెలిపింది. ఏ దేశంలో వ్యాక్సిన్ తీసుకున్నది కూడా వివరాల్లో తెలిపాలని అబుదాబి  పబ్లిక్ హెల్త్ సెంటర్ తెలిపింది. అక్టోబర్ 1, 2020 తర్వాత టీకా తీసుకున్న వారికి అనుమతి ఉంటుందని తెలిపింది. యాప్ లో వివరాలు నమోదు చేసిన వారు అబుదాబి వచ్చాక ప్రభుత్వం ఏర్పాటు చేసిన హెల్త్ సెంటర్ కు ముందుగా వెళ్లాల్సి ఉంటుంది. అక్కడ టీకా తీసుకున్నారా లేదా అన్నది ధృవీకరించింది వ్యాక్సినేషన్ సర్టిఫికెట్ ఇస్తారు. విదేశాల్లో వ్యాక్సిన్ తీసుకున్న అబుదాబి వాసులకు ఇబ్బంది ఉండొద్దన్న ఉద్దేశంతో ప్రభుత్వం ఈ చర్యలు చేపట్టింది.