ఒమాన్: లులు గ్రూప్ చైర్మన్, అబుదాబీ చాంబర్ ఆఫ్ కామర్స్ అండ్ ఇండస్ట్రీ వైస్ చైర్మన్ ఎం.ఎ యూసుఫ్ అలీకి ఒమన్ ప్రభుత్వం లాంగ్ టర్మ్ రెసిడెన్సీ వీసా ఇచ్చింది. ఒమన్ వాణిజ్య శాఖ మంత్రి ఖ్వాస్ బిన్ మహ్మద్ అల్ యూసుఫ్ ఆయనకు ఈ వీసాను అందజేశారు. ఒమన్ లో వ్యాపారం చేస్తూ ఉద్యోగాలు కల్పించే వారికి ప్రాధాన్యం ఇస్తామని ఒమన్ వాణిజ్య శాఖ సలహాదారు ఖలీద్ బిన్ సయ్యద్ తెలిపారు. లులు గ్రూప్ చైర్మన్ కు లాంగ్ టర్మ్ రెసిడెన్సీ వీసా ఇవ్వటం ద్వారా దేశంలోకి విదేశీ పెట్టుబడులు పెరుగుతాయన్నారు. అటు తనకు ఈ గౌరవం దక్కటం సంతోషంగా ఉందని..ఒమన్ రాజు సుల్తాన్ హయిథమ్ బిన్ తారిక్ అల్ కు యూసుఫ్ అలీ థ్యాంక్స్ చెప్పారు. లులు గ్రూప్ కు పలు దేశాల్లో వందల సూపర్ మార్కెట్ల వ్యాపారం ఉంది. ఒమన్ లోనూ 27 స్టోర్స్ ఉన్నాయి.