యూఏఈ: వాతావరణ శాఖ అంచనాల ప్రకారం, అక్టోబర్ నెలలో యూఏఈలో ఉష్ణోగ్రతలు గణనీయంగా తగ్గనున్నాయి. వేసవి నుంచి శీతాకాలానికి వాతావరణ పరిస్థితులు మారుతున్నాయి. అక్టోబర్ నెలలో ఈ మార్పు సంభవిస్తుంది. నేషనల్ సెంటర్ ఫర్ మిటియరాలజీ (ఎన్‌సిఎం) వెల్లడించిన వివరాల ప్రకారం వేసవి మరియు శీతాకాలం మధ్య మార్పుకి సంబంధించి రెండో పీరియడ్ అక్టోబర్ అనీ, వాతావరణంలో అత్యంత వేగంగా మార్పులు సంభవిస్తాయనీ తెలుస్తోంది. ఈ నెల రెండో అర్థ భాగం నుంచి వాతావరణం మరింత వేగంగా చల్లబడుతుంది.