కువైట్: షేక్ జబెర్ అల్ అహ్మద్ కాజ్‌వేపై సైక్లింగ్ అలాగే రిక్రియేషనల్ యాక్టివిటీస్‌పై బ్యాన్ అమల్లోకి వస్తుందని, ప్రజలెవరూ అలాంటి కార్యక్రమాలు చేపట్టరాదని మినిస్ట్రీ ఆఫ్ ఇంటీరియర్ స్పష్టం చేసింది. మినిస్ట్రీ అండర్ సెక్రెటరీ జనరల్ షేక్ ఫైజల్ నవాఫ్ అల్ సబా మాట్లాడుతూ ఈ విషయాన్ని స్పష్టం చేశారు. కాజ్‌వేపై ప్రమాదాల నివారణకు ఈ నిర్ణయం తీసుకున్నట్లు ఆయన వెల్లడించారు. బ్రిడ్జిపై స్పీడ్ కెమెరాలు పరిస్థితిని ఎప్పటికప్పుడు గమనిస్తుంటాయనీ, ఉల్లంఘనులపై చర్యలు తీసుకుంటామని అధికారులు పేర్కొన్నారు.