లెజెండ్ సినిమాతో విలన్‌గా సెకండ్ ఇన్నింగ్స్ ప్రారంభించారు టాలీవుడ్ నటుడు జగపతిబాబు. ఈ సినిమా తర్వాత వరుస ప్రాజెక్టులతో బిజీగా మారిన జగపతిబాబు త్వరలో హారర్ కామెడీ మూవీతో ప్రేక్షకులను అలరించేందుకు సిద్దమవుతున్నట్టు టాలీవుడ్ వర్గాలు వెల్లడించాయి. కొత్త దర్శకుడు సుధాకర్ చెప్పిన స్క్రిప్ట్ జగపతిబాబు కి నచ్చడంతో ఆయన సినిమాలో నటించేందుకు గ్రీన్‌సిగ్నల్ ఇచ్చినట్టు చిత్ర యూనిట్ వెల్లడించింది. ఇప్పటికే సినిమాకు సంబంధించిన 50 శాతం షెడ్యూల్‌ను పూర్తి చేసిన చిత్రయూనిట్ జగపతిబాబు బిజీ షెడ్యూల్ వల్ల మిగతా భాగానికి టైం తీసుకున్నారు. జగపతిబాబు తెలుగు, తమిళ ప్రాజెక్టులతో బిజీగా ఉన్న విషయం తెలిసిందే.