తెలుగు, తమిళ స్టార్ డైరెక్టర్ శంకర్, తమిళ సూపర్ స్టార్ రజినీకాంత్ కాంబినేషన్ లో వచ్చిన 'రోబో' ఎంతటి ఘనవిజయం సాధించిందో వేరే చెప్పనవసరం లేదు. రజినీ కెరీర్ లో బిగ్గెస్ హిట్,భారీ కలెక్షన్లు రాబట్టిన చిత్రంగా నిలిచిపోయింది. తాజాగా ఈ చిత్రానికి సీక్వెల్ రాబోతుంది. ఈ క్రేజీ ప్రాజెక్ట్‌ 2.0 శంకర్‌ దర్శకత్వంలో తెరకెక్కుతున్న సంగతి తెలిసిందే . అమీ జాక్సన్‌ హీరోయిన్‌గా నటిస్తున్న ఈ చిత్రంలో అక్షయ్‌ కుమార్‌ విలన్‌గా కనిపించనున్నారు. ఇంటర్నేషనల్‌ మూవీగా హై స్టాండర్డ్స్‌తో శంకర్‌ 2.0 చిత్రాన్ని తెరకెక్కిస్తున్నారు. ప్రస్తుతం కబాలి చిత్రం షూటింగ్ లో ఉన్న రజినీ ఈ చిత్రానికి ప్రత్యేక సమయం కేటాయిస్తున్నట్లు తెలుస్తుంది.మొన్నటి వరకు చెన్నైలోని ఓ భారీ సెట్‌లో ఈ చిత్ర షూటింగ్‌ జరగగా, తాజాగా ఢిల్లీ షెడ్యూల్‌ ని జరుపుకోనున్నట్టు మూవీ టీం ప్రకటించింది. అయితే ఢిల్లీలోని జవహరల్‌ లాల్‌ నెహ్రూ స్టేడియంలో 2.0 కోసం వేసిన ఓ ప్రత్యేక సెట్‌లో ఈ చిత్ర షూటింగ్‌ నెలరోజుల పాటు జరగనుంది. ఇందులో ఓ యాక్షన్‌ ఎపిసోడ్‌ని చిత్రీకరించనున్నట్టు తెలుస్తుంది. ఈ షెడ్యూల్‌లో రజనీతో పాటు అక్షయ్‌ కుమార్‌ కూడా పాల్గొననున్నారు. శంకర్- రజినీకాంత్‌ల హ్యట్రిక్‌ మూవీగా తెరకెక్కుతున్న ఈ సినిమాను లైకా ప్రొడక్షన్స్ ఇండియాలోనే అత్యంత భారీ బడ్జెట్ సినిమాగా నిర్మిస్తుంది.