బహ్రెయిన్: వ్యక్తిగత సమాచారాన్ని దోచేసేందుకు స్కామర్స్ సరికొత్త ఎత్తుగడలు వేస్తున్నారు. పలువురు బహ్రెయినీ నివాసితులు, తమకు కొన్ని ఫోన్ కాల్స్ వస్తున్నాయనీ, బెనిఫిట్ పే ఉద్యోగులుగా పేర్కొంటూ కొందరు కాల్స్ చేస్తున్నారని ఫిర్యాదులు చేస్తున్నారు. మహిళ ఒకరు అరబ్ ఉద్యోగిగా పేర్కొంటూ, బెనిఫిట్ కంపెనీ ఉద్యోగిగా తనను తాను పరిచయం చేసుకుని, వ్యక్తిగత వివరాల్ని అడుగుతున్నారని ఫిర్యాదులు అందుతున్నాయి. ఎట్టి పరిస్థితుల్లోనూ ఇలాంటి కాల్స్ పట్ల స్పందించవద్దని, సమాచారం వారికి ఇవ్వవద్దనీ, పోలీసులకు వెంటనే ఫిర్యాదు చేయాలనీ సెంట్రల్ బ్యాంక్ ఆఫ్ బహ్రెయిన్ సూచిస్తోంది.