కువైట్: విజిట్ వీసాల జారీకి సంబంధించిన నిబంధనలను అంతర్గత వ్యవహారాల మంత్రిత్వ శాఖ సడలించింది. వర్క్ పర్మిట్‌ ఉండి 500 దినార్‌ల జీతం ఉన్నవారికే కుటుంబాన్ని తెచ్చుకునే అవకాశం ఉంది. భార్య, 16 ఏళ్లలోపు పిల్లలకు మాత్రమే ఫ్యామిలీ వీసా జారీ చేయబడుతుంది. 12 సంవత్సరాల కంటే ఎక్కువ వయస్సు ఉన్న పిల్లలతో సహా దరఖాస్తుదారులందరూ తప్పనిసరిగా కువైట్ ఆమోదించబడిన వ్యాక్సిన్ రెండు డోసులను తీసుకొని ఉండాలి. వీసా అప్లికేషన్ తోపాటు QR కోడ్‌తో కూడిన వ్యాక్సిన్ ధృవీకరణ పత్రాన్ని తప్పనిసరిగా సమర్పించాలి. అలాగే మంత్రిత్వ శాఖలు, ప్రభుత్వ ఏజెన్సీలు, వాణిజ్య సమూదాయాలలో అన్ని కార్యకలాపాలకు అనుమతి ఇవ్వడంతోపాటు సందర్శకులకు కూడా అంతర్గత వ్యవహారాల మంత్రిత్వ శాఖ అనుమతిచ్చింది.

--దివాకర్(మాగల్ఫ్ ప్రతినిధి,కువైట్)