సౌదీ అరేబియా: వ్యాట్ రేటు తగ్గించవచ్చని వస్తున్న వార్తల్లో వాస్తవం లేదని సౌదీ అరేబియా ఆర్థిక శాఖ అధికారులు తెలిపారు. ఇప్పట్లో అలాంటి ఆలోచన ఏదీ లేదన్నారు. గతేడాది కరోనా ఎఫెక్ట్ కారణంగా ఆర్థిక వ్యవస్థ తీవ్రంగా నష్టపోయింది. ఈ కారణంగా సౌదీ ప్రభుత్వం 5 శాతంగా ఉన్న వ్యాట్ రేటు 15 శాతానికి పెంచింది. ఐతే కరోనా ప్రభావం తగ్గి ప్రస్తుతానికి సాధారణ పరిస్థితులు ఏర్పడ్డాయి. దీంతో మళ్లీ వ్యాట్ రేటును 5 శాతానికి తగ్గించవచ్చని వార్తలు జోరందుకున్నాయి. దీంతో ఆర్థిక శాఖ అధికారులు క్లారిటీ ఇచ్చారు. మరో ఐదేళ్ల పాటు రేటు తగ్గించకపోవచ్చని తెలిపారు. ఆర్థిక వ్యవస్థ పూర్తిగా స్టేబుల్ అయిన తర్వాత రేట్లు తగ్గించాలా? వద్దా ?అన్నది నిర్ణయిస్తామని చెప్పారు. కానీ ఇప్పట్లో మాత్రం వ్యాట్ తగ్గించే ఆలోచన ఏదీ లేదని స్పష్టం చేశారు. దీంతో వ్యాట్ తగ్గుతుందని ఆశించిన జనాలకు నిరాశే మిగిలింది.